ပေါ့ပ်ဘုရင်မ တေလာဆွစ်ဖ်ဟာ နိုဝင်ဘာ ၁၀ ရက်နေ့က ကျင်းပပြုလုပ်ခဲ့တဲ့ MTV Europe Music Awards မှာ ဆု ၄ ဆု ဆွတ်ခူးသွားခဲ့ပါတယ်။ ဆန်ကာတင်စာရင်း ၇ ခုဝင်ခဲ့တဲ့တေလာဟာ Best Artist၊ Fortnight သီချင်းနဲ့ Best Video၊ Best Live နဲ့ Best US Act ဆု (၄) ခုကို ဆွတ်ခူးခဲ့တာပါ။ Eras Tour အတွက် မြောက်အမေရိကမှာ ရောက်ရှိနေတဲ့အတွက် ကိုယ်တိုင်တက်ရောက်ယူနိုင်ခြင်းမရှိခဲ့ပေမဲ့ ဗီဒီယိုကနေတဆင့် ပရိသတ်တွေကို ကျေးဇူးတင်စကားဆိုခဲ့ပါတယ်။
တေလာဆွစ်ဖ်ပြီးတော့ ဒုတိယမြောက်ဆုအများဆုံးရရှိတဲ့အဆိုတော်ကတော့ တောင်အာဖရိကအဆိုတော် တိုင်လာဖြစ်ပြီး Best Afrobeats ဆု၊ Best R&B နဲ့ Best African Act ဆု (၃) ဆုကို ဆွတ်ခူးခဲ့တာပါ။
အခြားဆုရရှိခဲ့တဲ့သူတွေကတော့ Espresso သီချင်းနဲ့ Best Song ရရှိတဲ့ ဆာဘရင်နာ ကာပင်တာ၊ Best Pop ဆုရရှိတဲ့ အာရီယာနာ ဂရန်ဒီ၊ Best Hip-Hop ဆုရရှိခဲ့တဲ့ အမ်မီနမ်တို့ပါပဲ။ Best K-pop ဆုကို BTS အဖွဲ့ဝင် ဂျီမင်းကရရှိပြီး Best Latin ဆုကို မက္ကစီကန်အဆိုတော် ပက်ဆို ပါလုမားကရရှိခဲ့ကာ Best Rock ဆုကို လီယန် ဂါလ်လာဂါက ရရှိသွားခဲ့ပါတယ်။
ပြီးခဲ့တဲ့နှစ်က ဂါဇာစစ်ပွဲဖြစ်ပွားပြီးမကြာခင်မှာ ဒီဆုပေးပွဲကို ဖျက်သိမ်းခဲ့ရပြီး အခုနှစ်မှာ ဆုပေးပွဲကို ပြန်ကျင်းပခဲ့ရတာပါ။ နှစ်တိုင်း ကျင်းပရာမြို့တွေမတူပါဘူး။ အခုနှစ်ဆုပေးပွဲကို မန်ချက်စတာမြို့မှာကျင်းပခဲ့ပါတယ်။ အဆိုတော် ရီတာအိုရာက ဆုပေးပွဲရဲ့အစီအစဉ်တင်ဆက်သူအဖြစ် ဆောင်ရွက်ခဲ့ပြီး ပြီးခဲ့တဲ့လက သေဆုံးသွားခဲ့တဲ့ One Direction အဖွဲ့ဝင် လီယန်ပိန်းအတွက် အောက်မေ့တသစကားတွေလည်းပြောကြားသွားခဲ့ပါတယ်။
Ref: Taylor Swift, Tyla triumph at MTV Europe Music Awards
WL (ရိုးရာလေး)
The post MTV Europe Music Awards မှာ ဆုအများဆုံးရရှိသွားခဲ့တဲ့ တေလာဆွစ်ဖ် appeared first on YOYARLAY Digital Media and News.
Your new digest 49
Post a Comment