မဆုံတာကြာပြီဖြစ်တဲ့ အနုပညာလုပ်ဖော်ကိုင်ဖက်တွေကို တစ်သောင်းတန်တွေဝေငှပြီး ပျော်ရွှင်စေခဲ့တဲ့ ခန့်စည်သူ
သရုပ်ဆောင် ခန့်စည်သူကတော့ အနုပညာလောကရဲ့ ဝါရင့်သမ္ဘာရင့်သရုပ်ဆောင်တစ်ယောက်ဖြစ်သလို အကယ်ဒမီဆုရှင်မင်းသားတစ်ယောက်လည်း ဖြစ်ပါတယ်။ ခန့်စည်သူဟာ အလှူအတန်းရက်ရောပြီး ဘာသာရေးနဲ့ ကုသိုလ်ရေးကို အထူးဆောင်ရွက်သူတစ်ယောက်ဖြစ်ပြီး လက်ရှိကာလမှာလည်း အနုပညာအလုပ်တွေထက် ကုသိုလ်ရေးကို ပိုမိုလုပ်ကိုင်ဖြစ်နေတာပဲဖြစ်ပါတယ်။ ဒီကနေ့မှာတော့ ခန့်စည်သူက သူ့ရဲ့အနုပညာလုပ်ဖော်ကိုင်ဖက်တွေနဲ့ ဆုံဖြစ်ခဲ့တဲ့ အမှတ်တရလေးကို မျှဝေပြောပြလာပါတယ်။
ခန့်စည်သူက အေးအေးခိုင်၊ ဝါဝါအောင်၊ မြကြာဖြူ၊ မလုံးတင်၊ ဇာခြည်လွင်၊ အောင်ခိုင် စတဲ့ ဇာတ်ပို့ဇာတ်ရံသရုပ်ဆောင်တွေ လူကြမ်းသရုပ်ဆောင်တွေကို တစ်ယောက်တစ်သောင်းစီဝေငှခဲ့ပြီး “မဆုံတာ ကြာပြီ ဖြစ်တဲ့ လောကသား လုပ်ဖော် ကိုင်ဖက်များနှင့်တခဏတာ…. အမြဲ ပေးကမ်း လှူဒါန်း ကူညီဖေးမနိုင်သူသာ ဖြစ်ရပါလို၏။ ။
Post a Comment