ခြေစွမ်းပြနေတဲ့ရက်ရှ်ဖို့ဒ်ကို တားဆီးဖို့ အစီအစဉ်ဆွဲနေပြီဖြစ်တဲ့ ဘာစီလိုနာနည်းပြ ဇာဗီ

ခြေစွမ်းပြနေတဲ့ရက်ရှ်ဖို့ဒ်ကို တားဆီးဖို့ အစီအစဉ်ဆွဲနေပြီဖြစ်တဲ့ ဘာစီလိုနာနည်းပြ ဇာဗီ

 

မကြာခင် နှစ်ရက်အတွင်း ဘာစီလိုနာဟာ ယူရိုပါလိဂ် ရှုံးထွက်အဆင့် ပထမအကျော့ပွဲစဉ်အဖြစ် မန်ချက်စတာယူနိုက်တက်ကို လက်ခံယှဉ်ပြိုင်ရမှာဖြစ်ပြီး သူတို့ရဲ့ရာသီအကြီးမားဆုံးပွဲစဉ်တွေထဲက တစ်ပွဲအဖြစ် စီစဉ်ထားပါတယ်။

 

ဇာဗီရဲ့ဘာစီလိုနာအသင်းဟာ ပြိုင်ပွဲအရပ်ရပ် နောက်ဆုံး 16 ပွဲမှာ 1 ပွဲမျှ မရှုံးခဲ့ပဲ နိုင်ပွဲတွေဆက်တိုက်ရနေပါတယ်။ ဒါပေမယ့်လည်း အဲရစ်တန်ဟက် လက်ထက်မှာ ရလဒ်ကောင်းတွေ ဆက်တိုက်ရနေတာကြောင့် မန်ချက်စတာယူနိုက်တက်အနေနဲ့ ပြိုင်ဘက်ကို ကြောက်ရွံ့နေမှာ မဟုတ်ပါဘူး။

 

သရဲနီတွေကလည်း ပြိုင်ပွဲအရပ်ရပ် နောက်ဆုံး 16 ပွဲမှာ တစ်ပွဲသာ ရှုံးခဲ့ပြီး နူးကမ့်မှာ ထိပ်တိုက်တွေ့မယ့် ဂုဏ်သိက္ခာပြိုင်ပွဲကို အကြိတ်အနယ်ယှဉ်ပြိုင်မှာ သေချာပါတယ်။

 

မန်ချက်စတာယူနိုက်တက်အသင်းရဲ့ ကြံ့ခိုင်မှုနောက်ကွယ်က အဓိကအကြောင်းရင်းတစ်ခုက မားကပ်စ်ရက်ရှ်ဖို့ဒ်ပဲဖြစ်ပါတယ်။ အသက် 25 နှစ်အရွယ်ရှိပြီဖြစ်တဲ့ ရက်ရှ်ဖို့ဒ်ဟာ ပြိုင်ပွဲအရပ်ရပ် 34 ပွဲမှာ 21 ဂိုးသွင်းပြီး 8 ဂိုးဖန်တီးပေးထားတာကြောင့် သူ့ရဲ့ကစားသမားဘ၀ရဲ့ အကောင်းဆုံးကာလကို ရရှိနေပြီဖြစ်ပါတယ်။

 

ရက်ရှ်ဖို့ဒ်ဟာ ကမ္ဘာ့ဖလားပွဲစဥ်အပြီး ပြိုင်ပွဲအရပ်ရပ်မှာ ၁၃ ဂိုး သွင်းယူထားပြီး သူဟာ ကြာသပတေးနေ့ညမှာ ဘာစီလိုနာအတွက် အကြီးမားဆုံး ခြိမ်းခြောက်မှုဖြစ်လာမှာပါ။

 

သို့သော် AS မှ Javi Miguel ၏အဆိုအရ နည်းပြဇာဗီဟာ ရက်ရှ်ဖို့ဒ်ရဲ့အန္တရာယ်ကိုပယ်ဖျက်ဖို့ အစီအစဉ်ကိုစတင်နေပြီဖြစ်ပါတယ်။ အင်္ဂလန်လက်ရွေးစင်ကစားသမားကို တန်ပြန်ရန်အတွက် ဘာစီလိုနာအသင်းနည်းပြဟာ အာရိုဂျိုကို အနီးကပ်အမှတ်အသားပြုခိုင်းဖို့ စီစဉ်နေပါတယ်။

 

ဇာဗီဟာ ဘရာဇီးတောင်ပံကစားသမား ဗင်နီစီးယပ် ဂျုနီယာနှင့် ယှဉ်ပြိုင်ကစားရာတွင် ယခင်က ဤနည်းဗျူဟာကို အသုံးပြုခဲ့သည်။ဒါ့ကြောင့် လာမယ့်ပွဲစဉ် နူးကမ့်မှာလည်း ရက်ရှ်ဖို့ဒ်ရဲ့သြဇာလွှမ်းမိုးမှုကို ဖြတ်တောက်နိုင်ဖို့ သူ့ရဲ့ ဥရုဂွေးခံစစ် အာရိုဂျိုနဲ့ခုခံလာနိုင်ပါတယ်။

Your new digest 50