ရောဘတ်ဆန်ကို တံတောင်နဲ့တွတ်ခဲ့တယ်လို့ စွပ်စွဲခံရပြီးနောက် ပထမဆုံးဖွင့်ပြောလာတဲ့ စည်းကြပ်ဒိုင်

တနင်္ဂနွေနေက အာဆင်နယ်နဲ့ လီဗာပူးလ်တို့ ၂-၂ သရေကျခဲ့တဲ့ပွဲစဉ်အတွင်း လီဗာပူးလ်နောက်ခံလူ ရောဘတ်ဆန်ကို တံတောင်နဲ့ တွတ်ခဲ့ပုံပေါ်တဲ့ စည်းကြပ်ဒိုင်ဟာ ပထမဆုံးအကြိမ် ဖြစ်စဉ်နဲ့ပတ်သက်ပြီး ပြောဆိုခဲ့ပါတယ်။

လက်ထောက်ဒိုင်လူကြီး ကွန်စတန်တင်း ဟတ်ဂျီဒါးကစ်ဟာ ပထမပိုင်းပွဲကစားချိန်အပြီး ကွင်းထဲကနေ ကစားသမားတွေ ထွက်ခွာချိန်မှာ ရောဘတ်ဆန်ကို ထိတွေ့မှု ပြုလုပ်ခဲ့ပုံပေါ်ခဲ့ပြီးနောက် အက်ဖ်အေရဲ့ စုံစမ်းစစ်ဆေးခြင်းကို ခံနေရတာ ဖြစ်ပါတယ်။

ရောဘတ်ဆန်နဲ့ လီဗာပူးလ်ကစားသမားအချို့ဟာ ဖြစ်စဉ်အပြီးမှာ စည်းကြပ်ဒိုင်လူကြီးကို ဒေါသတကြီး စောဒကတက်ခဲ့ပြီး ကွင်းလယ်ဒိုင် ပေါလ် တီယာနီကို လည်ပင်းနေရာကို တံတောင်နဲ့တွတ်ခဲ့တဲ့အကြောင်း ပြောကြားခဲ့တာဖြစ်ပါတယ်။ ရောဘတ်ဆန်ဟာ အဲဒီဖြစ်စဉ်အတွက် အဝါကတ်ပြားတောင် ပြသခြင်းခံခဲ့ရတာဖြစ်ပြီး ဟတ်ဂျီဒါးကစ်ကတော့ ဒုတိယပိုင်းမှာ စည်းကြပ်ဒိုင်အဖြစ် ဆက်လက် တာဝန်ထမ်းဆောင်ခွင့် ရရှိခဲ့တာ ဖြစ်ပါတယ်။

အသက် ၃၈ နှစ်အရွယ်ရှိပြီဖြစ်တဲ့ ဟတ်ဂျီဒါးကစ်ဟာ အက်ဖ်အေက စုံစမ်းစစ်ဆေးမှုတွေ ပြုလုပ်နေချိန်မှာ တာဝန်ကနေ အနားပေးခံထားရမှာဖြစ်ပြီး ပရီးမီးယားလိဂ်ဒိုင်လူကြီးဟောင်းက စည်းကြပ်ဒိုင်အနေနဲ့ ကာလရှည်ပွဲပယ်ပြစ်ဒဏ် ကျခံရနိုင်တယ်လို့ ပြောကြားခဲ့ပါတယ်။

ရောဘတ်ဆန်နဲ့ ဖြစ်ခဲ့တဲ့ဖြစ်စဉ်နဲ့ပတ်သက်ပြီး ဟတ်ဂျီဒါးကစ်က “ဘာပဲ ဖြစ်ခဲ့ဖြစ်ခဲ့။ ဖြစ်ခဲ့ပြီးပြီ။ ကျွန်တော် အခုအချိန်မှာ ပြောနိုင်တာ ဘာမှမရှိပါဘူး။ ကျွန်တော် ဘာတွေ ဖြစ်ပျက်ခဲ့လဲဆိုတာကို မပြောနိုင်ပါဘူး”လို့ ပြောကြားခဲ့တာဖြစ်ပါတယ်။

ရောဘတ်ဆန်နဲ့ ဖြစ်စဉ်ကို မြင်တွေ့ခဲ့ရတဲ့ အခြားကစားသမားတွေဟာ အက်ဖ်အေရဲ့ စုံစမ်းစစ်ဆေးမှုကို ပါဝင်ကူညီပေးဖို့အတွက် ထုတ်ပြန်ကြေညာချက် ထုတ်ဖို့ တောင်းဆိုသွားမှာဖြစ်တယ်လို့ သိရပါတယ်။ ပရီးမီးယားလိဂ်ဒိုင်လူကြီးဟောင်း မာ့ခ် ဟယ်လ်ဆီက အန်းဖီးမှာ ဖြစ်ခဲ့တဲ့ ကိစ္စမျိုး တစ်ခါမှ မမြင်ဖူးခဲ့ဘူးလို့ ဝန်ခံခဲ့ပြီး စည်းကြပ်ဒိုင်အနေနဲ့ ၈ ပွဲပယ်ပြစ်ဒဏ် ကျခံရနိုင်တယ်လို့ ပြောကြားခဲ့ပါတယ်။

“ဒိုင်လူကြီးတွေက ကစားပွဲရဲ့ စံနှုန်းတွေကို စောင့်ရှောက်သူတွေဖြစ်ရမှာဖြစ်ပြီး အဲဒါကို ပြန်ကြည့်လိုက်ရင် သူ့ရဲ့လုပ်ရပ်အတွက် နောင်တရနေလိမ့်မယ်လို့ ကျွန်တော် ထင်ပါတယ်။ အဲဒါကို ပြောရရင် PGMOL က စုံစမ်းစစ်ဆေးမှုတွေ ပြုလုပ်သွားမယ်လို့ ကျွန်တော် ထင်ပါတယ်။ ကျွန်တော့်အတွက်တော့ ရောဘတ်ဆန်က သူ့ဆီ ချဉ်းကပ်ခဲ့ပြီး သူ့အသားကို ထိမယ့်ပုံပေါ်ပါတယ်။ ပြီးတော့ လက်ထောင်ဒိုင်က သူ့ရဲ့ လက်ကို မြှောက်ပြီး ခါချလိုက်တယ်။ သူ အဲဒီလို မလုပ်ခဲ့သင့်ပါဘူး။ သူ လုပ်ခဲ့သင့်တာက ဒိုင်လူကြီးဆီသွားပြီး အဲဒါကို သတင်းပို့ရမှာပါ။ ဒိုင်လူကြီးက သူ့ကို အရေးယူမှာပေါ့”

ICYMI: This is what transpired at the half time whistle. Andy Robertson was seemingly elbowed by the linesman but was then shown a yellow card

The drama keeps on going in this game!#AstroEPL #LIVARS pic.twitter.com/nnGKNwZICO

— Stadium Astro
Your new digest 50