၃ ပွင့်ဆိုင်ရန်ပွဲကြားက ဖွတ်နှစ်ကောင်ချစ်ခင်ပွေ့ဖက်နေတဲ့ ဗိုလ်လုပွဲစာရင်းဝင်ဓာတ်ပုံ

ဖွတ်နှစ်ကောင်ပွေ့ဖက်နေတာကို မျက်မြင်တွေ့ဖူးနိုင်ပေမဲ့ ပွေ့ဖက်နေတဲ့ ဖွတ်နှစ်ကောင်ကြား တခြားတစ်ကောင်ရောက်လာပြီး ရန်ပွဲဖြစ်တာကို‌ရော မြင်ဖူးကြလား။ တောရိုင်းတိရစ္ဆာန်ပုံတွေရိုက်ကူးတဲ့ ဓာတ်ပုံဆရာမလေး ဂျက်စီကာ အန်မက်တ်ကတော့ သူ ကိုယ်တိုင်မြင်တွေ့ခဲ့ရပါတယ်။

ဧပြီလမှာ ဂျက်စီကာက Bishan-Ang Mo Kio Park မှာ ပွေ့ဖက်နေကြတဲ့ ဖွတ်နှစ်ကောင်ဟာ အခြားတစ်ကောင်လာရှုပ်ကာ သုံးပွင့်ဆိုင်ရန်ပွဲဖြစ်တာကို မြင်တွေ့ခဲ့ပြီး အဲ့ဒါကို ရိုက်ကူးထားခဲ့ပါတယ်။ ဖွတ်နှစ်ကောင်က အချင်းချင်းပွေ့ဖက်ထားကြပြီး ဟိုဖက်ဒီဖက်တောင် ယိမ်းလိုက်ကြပါသေးတယ်။ ဂျက်စီကာ ရောက်ပြီး ၉ မိနစ်လောက်မှာ ၃ ကောင်မြောက်ဖွတ်တစ်ကောင်က ပွေ့ဖက်နေကြတဲ့ဖွတ်စုံတွဲနား တဖြည်းဖြည်းချဉ်းကပ်လာခဲ့ပါတယ်။ အဲ့ဒီဖွတ်ရောက်လာတဲ့အချိန်မှာ ၃ ပွင့်ဆိုင်ရန်ပွဲဖြစ်ကာ တင်းမာသွားခဲ့ပါတယ်။

စစချင်း နောက်လာတဲ့ဖွတ်က ဖွတ်စုံတွဲကို သူ့အမြှီးနဲ့ ရိုက်ပြီး ခုန်အုပ်ကာ ဖွတ်စုံတွဲပွေ့ဖက်နေတာကို ခွဲဖို့လုပ်ပါတယ်။ ရန်ပွဲကတော့ ခဏလေးပဲကြာပြီး အဲ့ဒီနောက် ရန်လာစတဲ့ဖွတ်က ပြေးထွက်သွားခဲ့ပါတယ်။ 

ဂျက်စီကာက သူ ရိုက်ခဲ့တဲ့ ဓာတ်ပုံတွေကို ဧပြီလက Singapore Wildlife Sightings Facebook group မှာ တင်ခဲ့ပါသေးတယ်။ လူမှုကွန်ယက်တော်တော်များများက အဲ့ဒီပုံတွေက ရယ်စရာကောင်းတယ်လို့ ထင်တာကြောင့် ဂျက်စီကာက 2025 Nikon Comedy Wildlife Awards မှာ ဝင်ရောက်ယှဉ်ပြိုင်ဖို့ ဆုံးဖြတ်ခဲ့ပါတယ်။ သူဟာ အခြားတိရစ္ဆာန်ပုံတွေကိုလည်း အဲ့ဒီပြိုင်ပွဲမှာ တင်သွင်းခဲ့ပေမဲ့ ဖွတ်နှစ်ကောင်ရဲ့ပုံက ဗိုလ်လုပွဲအတွက် ရွေးချယ်ခံခဲ့ရပါတယ်။ 

ဂျက်စီကာက ၂၀၂၄ ခုနှစ်ကလည်း  IUCN SSC Otter Specialist Group photography competition မှာ ဖျံနှစ်ကောင်အိပ်စက်နေတဲ့ဓာတ်ပုံနဲ့ black-and-white photo category ဆုကို ရရှိခဲ့ပါတယ်။ 

Ref: Photo of monitor lizards’ ‘battle hug’ in Bishan-Ang Mo Kio Park selected as finalist in international wildlife photography competition

WL (ရိုးရာလေး)

The post ၃ ပွင့်ဆိုင်ရန်ပွဲကြားက ဖွတ်နှစ်ကောင်ချစ်ခင်ပွေ့ဖက်နေတဲ့ ဗိုလ်လုပွဲစာရင်းဝင်ဓာတ်ပုံ appeared first on YOYARLAY Digital Media and News.

Your new digest 49