ကမ္ဘာ့ရွှေဈေး အမြင့်ဆုံး ရောက်ပြီး ပြည်တွင်းရွှေဈေး တက်ရိပ်ဖြစ်လာ

အမေရိကန်ဗဟိုဘဏ်အနေနဲ့ ၂၀၂၄ မတ်လထက်နောက်မကျဘဲ အတိုးနှုန်းတွေ လျှော့ချတော့မယ် လို့ ယူဆလာတဲ့အတွက် ဒေါ်လာနဲ့ ငွေတိုက်စာချုပ်တန်ဖိုးတွေ လများစွာအတွင်း အနိမ့်ဆုံး ကျလာပြီး ကမ္ဘာ့ရွှေဈေးကတော့ သုံးပတ်တာ အမြင့်ဆုံးကို ရောက်လာပါတယ်။

ဒီနေ့ ကမ္ဘာ့ရွှေဈေးက တစ်အောင်စကို ၂၀၈၆ ဒေါ်လာဝန်းကျင် ရှိနေပြီး ဒီဇင်ဘာ ၄ ရက်နောက်ပိုင်း အမြင့်ဆုံး ဖြစ်နေပါတယ်။ အမေရိကန်ရွှေကြိုပွိုင့်ဈေးကလည်း ၂၀၉၇ ဒေါ်လာကို မြင့်လာပါတယ်။ (Current Content ရဲ့သတင်း ဖြစ်ပါတယ်)

ယူကရိန်း-ရုရှားနဲ့ အရှေ့အလယ်ပိုင်းဒေသ ပဋိပက္ခတွေနဲ့အတူ အမေရိကန်ဗဟိုဘဏ်ရဲ့အတိုးနှုန်း လျှော့ချမယ့်အလားအလာတွေကြောင့် ကမ္ဘာ့ရွှေဈေးက ဒီနှစ်ထဲမှာ ၁၄ % မြင့်နေပြီး သုံးနှစ်အတွင်း ဈေးအများဆုံး မြင့်တက်မှု ဖြစ်လာပါတယ်။

ကမ္ဘာ့ရွှေဈေး အမြင့်ကို ရောက်နေချိန်မှာ မြန်မာပြည်တွင်းရွှေဈေးက တစ်ကျပ်သားကို ၃၇ သိန်းမှာ လည်ပတ် လှုပ်ရှားနေရာကနေ ကျပ် ၃၇ သိန်းအပေါ်ကို တက်ရိပ် ဖြစ်ပေါ်လာနေပါတယ်။

မကြာသေးခင်က ရန်ကုန်တိုင်း ရွှေလုပ်ငန်းရှင်များအသင်း YGEA က သူ့ရဲ့ သတ်မှတ်ရွှေဈေးကို AD လိုင်စင်ရဘဏ်တွေကြား ရောင်းဝယ်တဲ့ငွေလဲနှုန်းနဲ့ ပြောင်းလဲတွက်ချက်လာတဲ့နောက် YGEA ရွှေဈေးက ပြင်ပရွှေဈေးထက်တောင် မြင့်မားလာတာ တွေ့ရပါတယ်။

ဒီနေ့ YGEA အသင်းရဲ့ ရွှေဈေးနှုန်းက တစ်ကျပ်သားကို ၃၇ သိန်း ၆ သောင်းကျော်အထိ ဖြစ်လာပေမဲ့ ပြင်ပရွှေဈေးကတော့ ၃၇ သိန်း ၂ သောင်းခွဲခန့်သာ ရှိနေတဲ့အတွက် ကျပ် ၄ သောင်းနီးပါးထိ ကွာဟမှု ဖြစ်နေပါတယ်။ Ref: Nasdaq, YGEA စာရေးသူ- ငွေကြယ်

The post ကမ္ဘာ့ရွှေဈေး အမြင့်ဆုံး ရောက်ပြီး ပြည်တွင်းရွှေဈေး တက်ရိပ်ဖြစ်လာ appeared first on Achawlaymyar.

Your new digest 49