အရှေ့တောင်အာရှရဲ့ ပထမဆုံးအိုကာပီသားပေါက်လေး

စင်ကာပူနိုင်ငံက Rainforest Wild Adventure တိရစ္ဆာန်ဥယျာဉ်ဟာ အခုဆို အရှေ့တောင်အာရှမှာ မွေးဖွားခဲ့တဲ့ ပထမဆုံးအိုကာပီသားပေါက်လေးရဲ့အိမ်ဂေဟာဖြစ်လာခဲ့ပါပြီ။ သစ်ကုလားအုပ်မျိုးနွယ်ဝင်ဖြစ်တဲ့ ဒီသားပေါက်အထီးလေးကို ၂၀၂၆ ခုနှစ် ဇူလိုင် ၂၇ ရက်နေ့က မိခင်ဖြစ်သူ အသက် ၇ နှစ်အရွယ် ကီဆာလာနဲ့ ဖခင်ဖြစ်သူ အသက် ၄ နှစ်အရွယ် ဇန်ဒါတို့က မွေးဖွားခဲ့တာပါ။

သားပေါက်လေးရဲ့မိဘတွေက ဘေးအန္တရာယ်ရှိတဲ့ မျိုးစိတ်တွေထိန်းသိမ်းစောင့်ရှောက်ရေးပူးပေါင်းဆောင်ရွက်တဲ့မျိုးဆက်ပြန့်ပွားရေးအစီအစဉ်ရဲ့အစိတ်အပိုင်းတစ်ခုအဖြစ် စင်ကာပူနိုင်ငံကို ရောက်လာခဲ့တာပါ။ လက်ရှိမှာ အသက် ၂ လခွဲခန့်ရှိပြီဖြစ်တဲ့ ဒီသားပေါက်လေးက ကျန်းမာရေးကောင်းမွန်နေပြီး အလေးချိန် ၄၈ ကီလိုဂရမ်ရှိကာ တစ်နေ့ကို ပျမ်းမျှ ၁ ကီလိုဂရမ်နီးပါး ကိုယ်အလေးချိန်တက်လျက်ရှိပါတယ်။

Mandai Wildlife Reserve Group က Facebook နဲ့ Instagram စာမျက်နှာတွေမှာ အများပြည်သူတွေအနေနဲ့ သားပေါက်လေးအတွက် အာဖရိကဘာသာစကားအခြေခံထားတဲ့ နာမည် ၃ မျိုး (Imara, Mayaka, Kiah) ထဲကမှ ကြိုက်နှစ်သက်ရာကို မဲပေးရွေးချယ်ဖို့ပြောထားပါတယ်။

အိုကာပီတွေက အပြည်ပြည်ဆိုင်ရာသဘာဝထိန်းသိမ်းစောင့်ရှောက်ရေးအဖွဲ့ရဲ့ Red List မှာ မျိုးသုန်းဖို့ အန္တရာယ်ရှိတဲ့ မျိုးစိတ်အဖြစ် သတ်မှတ်ခံထားရပြီး ကွန်ဂိုဒီမိုကရက်တစ်သမ္မတနိုင်ငံရဲ့အရှေ့မြောက်ပိုင်းမိုးသစ်တောတွေမှာ သဘာဝအတိုင်း ဒေသမျိုးရင်းအဖြစ် တွေ့ရှိရတဲ့ သတ္တဝါတွေဖြစ်ပါတယ်။

Ref: Rainforest Wild Adventure sees birth of Southeast Asia’s 1st okapi, public invited to name it

WL (ရိုးရာလေး)

The post အရှေ့တောင်အာရှရဲ့ ပထမဆုံးအိုကာပီသားပေါက်လေး appeared first on YOYARLAY Digital Media and News.

Your new digest 49