မြန်မာပရိသတ်တွေ အားပေးနှစ်ခြိုက်ကြတဲ့ ထိပ်တန်းထိုင်းမင်းသားချော James Jirayu ဟာ ဆိုရင် အနုပညာအသိုင်းအဝိုင်းကမဟုတ်တဲ့ သူ့ချစ်သူကောင်မလေး Nong Foam နဲ့ ရွှေလက်တွဲတော့မှာဖြစ်ပါတယ်။ သူတို့နှစ်ဦးဟာ ချစ်သူသက်တမ်း ၁၀ နှစ်ကျော်ပြီလို့ သိရပြီး အခုလာမယ့် ဒီဇင်ဘာ ၁၉ ရက်နေ့မှာ လက်ထပ်ဖို့ စီစဉ်ထားပါတယ်။
James ဟာ သူ့ချစ်သူကို အောက်တိုဘာလတုန်းက လက်ထပ်ခွင့်တောင်းခဲ့တာပါ။ လက်ထပ်ခွင့်တောင်းခဲ့တဲ့ဓာတ်ပုံတွေကို အောက်တိုဘာ ၂၂ ရက်နေ့က “ကျွန်တော်တို့ရဲ့ချစ်ခြင်းတရားတွေက ၁၀ နှစ်အထိရောက်ရှိနေပါပြီ။ ကျွန်တော့်ရဲ့ ၁၁၇ (My 117) “ဆိုတဲ့ စာသားနဲ့ အင်စတာဂရမ်မှာ မျှဝေခဲ့တာပါ။ James က စိန်လက်စွပ်နဲ့ Foam ကို လက်ထပ်ခွင့်တောင်းခဲ့ပြီး Foam က ဝမ်းသာပီတိမျက်ရည်ကျခဲ့တာကို ဓာတ်ပုံတွေထဲမှာ မြင်တွေ့ခဲ့ရပါတယ်။ အဲ့ဒီတုန်းက ထိပ်တန်းထိုင်းအနုပညာရှင်တွေကလည်း သူတို့နှစ်ဦးအတွက် ဂုဏ်ပြုစကားဆိုခဲ့ကြပါတယ်။
ဒီဇင်ဘာ ၁၂ ရက်နေ့မှာလည်း Pre Wedding ဓာတ်ပုံလို့ ယူဆရတဲ့ ဓာတ်ပုံတွေကိုလည်း James က အင်စတာဂရမ်မှာ မျှဝေပေးထားပါတယ်။
James ကို မြန်မာပရိသတ်တွေက သစ္စာရှင်ဇနီးသည် (Padiwaradda)၊ မင်းတစ်ယောက်သာ (Neung Nsi Seung)၊ ဘဝအဆက်ဆက်ထုံးဖွဲ့မယ့်ချစ်ခြင်း (Leh Bupakarn)၊ ငန်းဖြူမလေးရဲ့ချစ်ပုံပြင် (Buang Hong)၊ အချစ်မိုးတွေရွာပေးပါ (Game Sanaeha)၊ အချစ်ဝှက်အကြားမြင်ဆရာမလေး (Payakorn Sorn Ruk)၊ အနှိုင်းမဲ့ချစ်မေတ္တာ(Karat Ruk)၊ သေစေနိုင်သောအချစ်ဂိမ်း (The Deadly Affair) အစရှိတဲ့ လူကြိုက်များတဲ့ဇာတ်လမ်းတွဲတွေနဲ့ သိကြပါတယ်။
Ref: ThaiUpdate “James Jirayu and Foam are set to tie the knot on December 19, 2024”
WL (ရိုးရာလေး)
The post ဒီဇင်ဘာ ၁၉ ရက်နေ့မှာ ချစ်သူကောင်မလေးနဲ့ လက်ထပ်တော့မယ့် ထိုင်းမင်းသား James Jirayu appeared first on YOYARLAY Digital Media and News.
Your new digest 49
Post a Comment