ကလေးမော်ဒယ်ကနေ ကေပေါ့ပ်စတားဖြစ်လာပြီဖြစ်တဲ့ အဲလာ ဂရော့စ်

အသက် ၁၆ နှစ်အရွယ် ရှိပြီဖြစ်တဲ့ ကိုရီးယား-အမေရိကန်ကပြားမော်ဒယ်လေးဟာ သူ့ရဲ့ကြည့်ကောင်းတဲ့ရုပ်ရည်ကြောင့် အသက် ၁၀ နှစ်အရွယ်မှာ လူစိတ်ဝင်စားမှုများခဲ့တာပါ။ သူ့ကို ကိုရီးယားအဆိုအဖွဲ့ Blackpinkရဲ့ အဖွဲ့ဝင် Jennie နဲ့ ရုပ်ဆင်တဲ့အတွက် “Jennie အသေးစားလေး”လို့လည်း နာမည်ပြောင်ပေးခဲ့ကြပါတယ်။

ပြီးခဲ့တဲ့အပတ်က အဲလာဟာ Tiffany & Co event ပွဲကို တက်ရောက်တော့ လူအများရဲ့အာရုံကို ဆွဲဆောင်ထားနိုင်ခဲ့ပါတယ်။ ရိုးရိုးရှင်းရှင်းအနက်ရောင်ဂါဝန်အတိုနဲ့ ဒေါက်ဖိနပ်ကို ဝတ်ဆင်ထားပေမဲ့လည်း လူမှုကွန်ယက်အသုံးပြုသူတွေကို သူ့ရဲ့အလှနဲ့ မျက်စိကျစေခဲ့တာပါ။ ငယ်ငယ်လေးကတည်းက လှတာလို့ ချီးကျူးကြသလို အပြင်လက်တွေ့ဘဝက Disney မင်းသမီးလေးနဲ့တူတယ်လို့လည်း ပြောကြပါတယ်။

ကိုရီးယားလူမျိုးမိခင်နဲ့ ဂျာမန်-အမေရိကန်လူမျိုးဖခင်တို့ကနေ လော့စ်အိန်ဂျယ်လိစ်မြို့မှာမွေးဖွားခဲ့တဲ့ အဲလာဟာ အသက် ၂ နှစ်အရွယ်မှာ မော်ဒယ်စလုပ်ခဲ့တာပါ။ အသက် ၇ နှစ်မှာ Zara၊ GAP၊ Abercrombie & Fitch လို နိုင်ငံတကာနာမည်ကြီးတံဆိပ်တွေအတွက် မော်ဒယ်လုပ်ပေးခဲ့ရပါတယ်။ သူဟာ Netflix စီးရီးဖြစ်တဲ့ Malibu Rescue နဲ့ Star Trek: Picard တွေမှာ ပါဝင်သရုပ်ဆောင်ထားပါသေးတယ်။ သူ့ရဲ့မောင်လေး အသက် ၁၄ နှစ်အရွယ် ရိုမန်းကလည်း ကလေးသရုပ်ဆောင်ဖြစ်ပြီး ၂၀၂၂ ခုနှစ်ရဲ့ Nope ရုပ်ရှင်ကားမှာ ပါဝင်ထားပါတယ်။

အခုနှစ် စက်တင်ဘာလကမှ အဲလာက YG Entertainment ရဲ့ အေဂျင်စီခွဲ The Black Label ကမွေးထုတ်လိုက်တဲ့ မိန်းကလေးအဆိုအဖွဲ့အသစ် Meovv ရဲ့အဖွဲ့ဝင်အဖြစ် ကေပေါ့ပ်စတားဖြစ်လာခဲ့ပါတယ်။

Ref: Child Model-Turned K-Pop Star Ella Gross, 16, Stuns In Her Latest Photos

WL (ရိုးရာလေး)

The post ကလေးမော်ဒယ်ကနေ ကေပေါ့ပ်စတားဖြစ်လာပြီဖြစ်တဲ့ အဲလာ ဂရော့စ် appeared first on YOYARLAY Digital Media and News.

Your new digest 49