၂၇ နှစ်လုံးလုံး ခွင့်မယူခဲ့တဲ့ Burger King ဆိုင် Burger King ဆိုင်ဝန်ထမ်း အလှူငွေ ဒေါ်လာ ၄ သိန်းကျော် ရရှိ

၂၇ နှစ်လုံးလုံး တစ်ရက်မှ ခွင့်မယူခဲ့တဲ့ ဝန်ထမ်းကို Burger King ဆိုင်က တန်ကြေးမရှိတဲ့ လက်ဆောင်ပစ္စည်း အနည်းအကျဉ်းပဲ ပေးခဲ့တဲ့ သတင်း ပျံ့နှံ့ခဲ့ပြီးနောက် စေတနာရှင်တွေက သူ့အတွက် ငွေကြေးလှူဒါန်းမှုတွေ လုပ်ခဲ့ရာ အမေရိကန်ဒေါ်လာ ၄ သိန်းကျော် ရရှိခဲ့ပါတယ်။

ကီဗင်ဖို့ဒ်ဟာ လက်စ်ဗီးဂတ်စ်လေဆိပ်က Burger King ဆိုင်မှာ ငွေကိုင်အဖြစ် ၂၇ နှစ်ကြာ အလုပ်လုပ်ခဲ့သူပါ။ ပြီးခဲ့တဲ့နှစ် ဇွန်လမှာတော့ အလုပ်ပျက်ရက်မရှိ အမှတ်တရလက်ဆောင်ထုပ်ကို သူ ဖောက်ဖွင့်နေတဲ့ ဗီဒီယိုက အွန်လိုင်းပေါ် ပျံ့နှံ့သွားခဲ့ပါတယ်။ အိတ်ထဲမှာ ရုပ်ရှင်လက်မှတ်တစ်စောင်၊ ဘောပင်နှစ်ချောင်း၊ Starbucks ကော်ဖီခွက်နဲ့ ချောကလက်မုန့် တစ်ထုပ်ပဲ ပါဝင်ပါတယ်။

လက်ဆောင်ရလို့ ဝမ်းသာမိပေမဲ့ ကြုံသလို ထည့်ထားတဲ့ပစ္စည်းတွေကို လက်ဆောင်ပေးသလို ဖြစ်နေတယ်လို့ ကီဗင်ဖို့ဒ်က ဆိုပါတယ်။ အဲဒီနောက်မှာတော့ ကီဗင်ဖို့ဒ်ရဲ့သမီးက သူ့အဖေအတွက် GoFundMe ပေ့ချ်တစ်ခု ထောင်ခဲ့ပြီး သိပ်မကြာခင်မှာပဲ အလှူငွေ အများအပြား ရရှိခဲ့တာပါ။ သရုပ်ဆောင်မင်းသား ဒေးဗစ်စပိတ်ရဲ့ ဒေါ်လာ ၅၀၀၀ လှူဒါန်းမှုအပါအဝင် သြဂုတ်လ ၁၀ ရက်အထိ အလှူငွေစုစုပေါင်း ဒေါ်လာ ၄၀၇၆၃၉ ရရှိခဲ့တာပါ။

Ref: Burger King worker who hasn’t missed work in 27 years receives £320,000 in donations

NZ ( ရိုးရာလေး)

The post ၂၇ နှစ်လုံးလုံး ခွင့်မယူခဲ့တဲ့ Burger King ဆိုင် Burger King ဆိုင်ဝန်ထမ်း အလှူငွေ ဒေါ်လာ ၄ သိန်းကျော် ရရှိ appeared first on YOYARLAY Digital Media and News.

Your new digest 49